Сустрэча намесніка Главы Адміністрацыі Прэзідэнта Рэспублікі Беларусь с калектывам БелДУТ
- Апублікавана 19.06.2020 18:24
19 чэрвеня 2020 года БелДУТ з рабочым візітам наведала намеснік кіраўніка Адміністрацыі Прэзідэнта Рэспублікі Беларусь Чупрыс Вольга Іванаўна.
У канферэнц-зале адбылася сустрэча намесніка кіраўніка Адміністрацыі з калектывам нашага ўніверсітэта.
Вольга Іванаўна распавяла аб асноўных задачах Адміністрацыі Прэзідэнта Рэспублікі Беларусь, аб бягучай працы, у прыватнасці, аб зменах у Кодэкс аб адміністрацыйных правапарушэннях, у тым ліку, у дарожнай і транспартнай галінах.
Таксама яна пазначыла ключавыя інфраструктурныя праекты, якія рэалізуюцца ў транспартным комплексе Рэспублікі Беларусь: рэканструкцыя магістралі М10, поўная электрыфікацыя Беларускай чыгункі і будаўніцтва атамнай электрастанцыі.
Вялікую ўвагу Вольга Іванаўна ў дыялогу з калектывам універсітэта надала развіццю сеткавых структур у сістэме адукацыі. Ва ўмовах эпідэміялагічнай сітауцыі, якая склалася зараз, прымяненне інфармацыйна-камунікацыйных тэхналогій як ніколі актуальна. Пры гэтым, нельга цалкам выключыць з працэсу навучання і выхавання жывы дыялог і практычны складнік.
- Наша задача - не толькі вучыць, але і навучыць вучыцца, - сказала Вольга Іванаўна.
Падчас экскурсіі па ўніверсітэце намеснік кіраўніка Адміністрацыі Прэзідэнта азнаёмілася з некаторымі вынікамі навукова - даследчай і адукацыйнай дзейнасці ўніверсітэта – распрацоўкамі НДЛ, вынікамі навукова-даследчай работы студэнтаў, сацыяльнымі тэхналогіямі, якія ўжываюцца ў БелДУТ, наднацыянальнымі праектамі і міжнародным супрацоўніцтвам універсітэта.
Вольга Іванова дала высокую ацэнку дасягненням і тэндэнцыям да развіцця БелДУТ:
- У такога універсітэта як Беларускі дзяржаўны ўніверсітэт транспарту, ёсць будучыня, бачныя канкрэтныя перспектывы развіцця.
Падчас сустрэчы завязаўся жывы і цікавы дыялог паміж прадстаўніком улады, супрацоўнікамі і студэнтамі нашага ўніверсітэта.
Дынамічнае абмеркаванне выклікалі пытанні аб тым, над якімі інавацыямі ў адукацыйнай сферы працуюць датычныя дзяржаўныя структуры, і ці ёсць перспектыва выкарыстання кваліфікацый Парка высокіх тэхналогій для паскарэння развіцця дыстанцыйнага навучання ў сістэме адукацыі Рэспублікі Беларусь.
На пытанне аб тым, якія змены неабходныя на сённяшні момант у Кодэксе аб адукацыі, Вольга Іванаўна дала адказ, што кодэкс мае патрэбу ў скарачэнні - павінны ўтрымлівацца толькі ключавыя пытанні, рэгламентаваныя такім нарматыўным дакументам.
Адзін са студэнтаў нашага ўніверсітэта цікавіўся перспектывамі ўкаранення адукацыйнай робататэхнікі, што выклікала жывы водгук у нашай госці.
У завяршэнні сустрэчы Вольга Іванаўна шчыра пажадала калектыву БелДУТ добрага лета, міру і спакою ў краіне і нашых сем’ях.
Ад імя нашага ўніверсітэта рэктар БелДУТ Юрый Іванавіч Кулажэнка падзякаваў Вольгу Іванаўну за цікавую і змястоўную сустрэчу.
Нашли ошибку? Выделите ее и нажмите Ctrl-Enter