Сацыяльныя гарантыі для студэнтаў-сіротаў і студэнтаў, якія засталіся без апекавання бацькоў

Апублікавана 09.12.2019 13:26

Праглядаў: 552

• Сацыяльныя гарантыі

Заканадаўства Рэспублікі Беларусь гарантуе правы сірот на матэрыяльнае забеспячэнне, на сацыяльную падтрымку, гэта значыць – на адукацыю, на прафесійную падрыхтоўку, права на ахову i ўмацаванне здароўя і дае шэраг ільгот, якія дапамогуць у складаны перыяд вучобы, станаўлення, атрымання прафесіі.

На працягу ўсяго тэрміну навучання супрацоўнікамі ўніверсітэта ажыццяўляецца сацыяльна-педагагічнае і псіхалагічнае суправаджэнне навучэнцаў-сіротаў.

Закон дае наступнае вызначэнне:

• дзеці-сіроты – асобы ва ўзросце да 18 гадоў, у якiх памерлi абодва цi адзiны з бацькоў;
• дзеці, якія засталіся без апекавання бацькоў – асобы ва ўзросце да 18 гадоў, якія засталіся без апекавання адзінага цi абодвух бацькоў у вынiку пазбаўлення бацькоў бацькоўскіх правоў, адабрання іх у бацькоў, прызнання бацькоў недзеяздольнымi і г.д.;
• асобы з ліку дзяцей-сіротаў і дзяцей, якія засталіся без апекавання бацькоў – асобы ва ўзросце ад 18 да 23 гадоў, якiя мелi да моманту дасягненняў iмi ўзросту 18 гадоў статус дзяцей-сіротаў або статус дзяцей, якія засталіся без апекавання бацькоў.

Гарантыі права на дзяржаўнае забеспячэнне

Дзяржаўнае забеспячэнне – комплекс усталяваных дзяржавай мераў, скіраваных на матэрыяльнае забеспячэнне ўмоваў для рэалiзацыi асноўных правоў i задавальнення жыццёва важных патрэбаў дзяцей-сіротаў, дзяцей, якія засталіся без апекавання бацькоў, а таксама асобаў з ліку дзяцей-сіротаў і дзяцей, якія засталіся без апекавання бацькоў (грашовая кампенсацыя на харчаванне і сродкі на набыццё адзення, абутку, мяккага інвентару)

• дзяржаўнае забеспячэнне захоўваецца:
  • пры атрыманні пенсій па страце карміцеля;
  • пры уступленні ў шлюб;
  • пры прадастаўленні адпачынкаў (па медыцынскіх паказаннях, у сувязі з прызывам на службу ў рэзерве) – тэрмінам на 1 год;
  • у сувязі з доглядам дзіцяці ва ўзросце да трох гадоў - тэрмінам на 1 год;
  • грашовая кампенсацыя выдаткаў на харчаванне захоўваецца на перыяд канікул, дзяржаўных святаў i святочных дзён, выходныя дні, перыяд хваробы;
  • пры выплаце стыпендыі.
• за дні, прапушчаныя без паважнай прычыны, грашовая кампенсацыя кошту харчавання не выплачваецца.

Дзяржаўнае забеспячэнне пры выпуску выплачваецца на падставе даведкі аб працаўладкаванні і пры ўмове, што студэнт не атрымліваў яго па заканчэнні папярэдняй навучальнай установы, гэта значыць – выплачваецца толькі адзін раз.

Правы студэнтаў-сіротаў і студэнтаў, якія засталіся без апекавання бацькоў

- права на бясплатнае пражыванне ў інтэрнаце;

- штогадовая матэрыяльная дапамога.

• Гарантыі права на жыллё
  • права на атрыманне жылых памяшканняў сацыяльнага карыстання дзяржаўнага жылога фонду;
  • права на атрыманне ільготных крэдытаў;
  • права на атрыманне аднаразовых субсідыяў і іншых формаў дзяржаўнай падтрымкі для будаўніцтва (рэканструкцыі) або набыцця жылога памяшкання;
  • захаванне права ўласнасці на жылое памяшканне або права карыстання жылым памяшканнем, з якога яны выбылі.
• Гарантыі права на працу i занятасць
• Iншыя гарантыi па сацыяльнай абароне
  • выдача адзінага білета (да 18 гадоў, ад 18 да 23 гадоў)

Варта звярнуць увагу на наступныя моманты:

• вышэйадзначаныя нормы забеспячэння дзейнічаюць для дадзенай катэгорыі студэнтаў, якія навучаюцца на дзённай форме ў дзяржаўных установах;
• дзяржаўнае забеспячэнне захоўваецца да дасягнення 23-гадовага ўзросту;
• прызначэнне сацыяльнай стыпендыі ажыццяўляецца пасля страты права на атрыманне вучэбнай стыпендыі па выніках экзаменацыйнай сесіі пры ліквідацыі акадэмічнай запазычанасці незалежна ад колькасці раней прызначаных сацыяльных стыпендый за папярэднія семестры навучання;
• першачарговае прадастаўленне пуцёўкі ў санаторый-прафілакторый (на агульных падставах);
• сродкі, выдаткаваныя на ўтрыманне дзяцей на дзяржаўным забеспячэннi, вяртаюцца бацькамi ў поўным аб'ёме.

Дадатковую інфармацыю можна атрымаць у аддзеле па выхаваўчай рабоце з моладдзю ў каб. 458 або па тэлефоне 29 30 16 ці 24 97