Стажыроўка ў ведамасным пункце мытнага афармлення «Брэст-Белмытсэрвіс-2»
- Апублікавана 11.12.2020 09:00
Няспынны працэс пазнання і паляпшэння сваіх прафесійных якасцяў з’яўляецца патрэбай не толькі спецыяліста любога ўзроўню, але і неабходнасцю сучаснага грамадства.
У перыяд навучання ў магістратуры па спецыяльнасці «Эканоміка» прафілізацыі «Знешне-эканамічная дзейнасць» магістрант кафедры «Мытная справа» Базака Вера Уладзіміраўна прайшла стажыроўку ў мытным пасту «Брэст-ТЛЦ», які абслугоўвае значную частку грузавога патоку беларуска-польскай мяжы, праходзячага праз філіял РУП «Белмытсэрвіс»-транспартна-лагістычны цэнтр (ТЛЦ) «Брэст-Белмытсэрвіс-2».
На сённяшні дзень РУП «Белмытсэрвіс» з’яўляецца найбуйнейшым беларускім лагістычным аператарам, які ў тым ліку актыўна ўдзельнічае ў рэалізацыі дзяржаўнай праграмы развіцця лагістычнай сістэмы Беларусі. Брэсцкі філіял РУП «Белмытнясэрвіс» - адно з найбуйнейшых рэгіянальных падраздзяленняў прадпрыемства.
Мэтаю стажыроўкі ў межах дысертацыйнага даследавання было вызначэнне напрамкаў удасканалення транспартна-лагістычнай інфраструктуры Рэспублікі Беларусь на падставе распрацаванага метадычнага падыходу да ацэнкі ейнай эфектыўнасці.
Практыка-арыентаваны характар стажыроўкі дазволіў Веры:
- выявіць асаблівасці і перспектывы аўтаматызацыі лагістычных працэсаў;
- атрымаць практычныя веды аб парадку ўзаемадзеяння суб’ектаў знешнеэканамічнай дзейнасці і мытных органаў;
- даць ацэнку ўзаемазалежнасці і ўзаемадапаўняльнасці мытнай і транспартна-лагістычнай відаў інфраструктуры;
- вывучыць інфраструктурныя складнікі транспартна-лагістычнай інфраструктуры і сфармуляваць рэзервы павышэння эфектыўнасці яе выкарыстання.
Атрыманыя веды дазволілі сфармаваць прапановы па ўдасканаленні «бестранзітнай» тэхналогіі, якая ажыццяўляецца ў межах работы РПМА «Казловічы» і ТЛЦ «Брэст-Белмытсэрвіс-2», для абароны магістарскай дысертацыйнай працы.
Падрыхтоўка высокакваліфікаваных кадраў, якія маюць глыбокія тэарэтычныя веды і практычныя навыкі – гэта заклад паспяховага і ўстойлівага развіцця эканомікі дзяржавы і ейных інстытутаў.
