Кафедра «Фізічнае выхаванне і спорт»

Фізкультурная і спартыўна-масавая праца.

Асноўным спартыўным мерапрыемствам года ў універсітэце з'яўляецца правядзенне круглагадовай студэнцкай спартакіяды па 16 відах спорту. Спартакіяда праводзіцца ў 3 этапы. Першы этап - спаборніцтвы паміж навучальнымі групамі (лёгкая атлетыка, кулявая стральба, лёгкаатлетычны крос). Другі этап - ўнутрыфакультэцкія спаборніцтвы паміж курсамі (па валейболе, баскетболе, міні-футболе).

 Таксама праводзяцца спаборніцтвы сярод студэнтэў, якiя спецыялізуюцца па вольнай і грэка-рымскай барацьбе і адкрытае першынства універсітэта па шахматах, у якім прымаюць удзел усе жадаючыя студэнты, выкладчыкі і супрацоўнікі.

У спартыўным комплексе БелДУТ праходзяць спаборніцтвы рознага маштабу: першынства г. Гомеля па гульнявых відах спорту, Абласныя студэнцкія спаборніцтвы і акцыі, спаборніцтвы Рэспубліканскага маштабу сярод кіруючых работнікаў розных галін, Рэспубліканскія спаборніцтвы па гіравым спорце сярод ваенных факультэтаў РБ.

Студэнты нашага універсітэта штогод удзельнічаюць у гарадской круглагадовай спартакіядзе па 18 відах спорту і паказваюць высокія спартыўныя вынікі. У 2012 годзе БелДУТ заняў 1 месца сярод ВНУ горада, у 2013 годзе - 2 месца, у 2014 годзе - 1 месца, у 2015 годзе - II месца, у 2016 і 2017 гадах - 1 месца.

Штогод у Рэспубліцы Беларусь праводзіцца Рэспубліканская ўніверсіяда паміж вышэйшымі навучальнымі ўстановамі. БелДУТ выступае ў другой групе. Наш універсітэт паспяхова выступае ў гэтых спаборніцтвах, а таксама прымае ўдзел у міжнародных спаборніцтвах па настольным тэнісе, аэробіцы спартыўнай, гіравым спорце. Па выніках правядзення фінальных спаборніцтваў Рэспубліканскай універсіяды - 2017 БелДУТ заняў трэцяе месца ў другой групе ВНУ (установы вышэйшай адукацыі, у якіх на дзённай форме займаецца ад 3001 да 10 000 студэнтаў).

Найбольшых поспехаў наша вну дабілася ў барацьбе вольнай і грэка-рымскай, пляжным валейболе, настольным тэнісе, зімовым і летнім шматбор'і "Здароўе", аэробіцы спартыўнай, футболе і міні-футболе (футзале), гіравым спорце. Па выніках Рэспубліканскай універсіяды наш універсітэт заняў наступныя месцы ў 2014 годзе - 2 месца, 2015 - 3 месца; 2016 - 4 месца.

У ВНУ за 2014 - 2016 гг. падрыхтавана: «Майстар спорту Рэспублікі Беларусь» - 10 чалавек; «Кандыдат у майстры спорту Рэспублікі Беларусь» - 25 чалавек.

У БелДУТ працуе 18 секцый павышэння спартыўнага майстэрства і 6 спартыўных гурткоў, у якіх займаецца больш за 700 студэнтаў-спартсменаў.

Штогод спартыўным клубам сумесна з кафедрай "Фізічнае выхаванне і спорт" ва ўрачыстай абстаноўцы падводзяцца вынікі спартакіяд з паказальнымі выступленнямі лепшых спартсменаў горада і вобласці, дзе прысутнічае ўсё кіраўніцтва універсітэта, і рэктар праводзіць ўзнагароджанне спартсменаў, якiя вызначалiся, граматамі, прызамі і грашовымі прэміямі.

Найбольшы ўклад у дасягненні высокіх вынікаў Рэспубліканскай універсіяды ўнеслі наступныя выкладчыкі: старшы выкладчык Марчанка У.П., старшы выкладчык Пінскі П.Л., старшы выкладчык Асяненка П.В., старшы выкладчык Каваленка А.М., выкладчык Майсеенка С.С. , выкладчык Каляснёў Ю.В., загадчык спартыўным клубам Кудраўцаў А.В., загадчык кафедры "Фізічнае выхаванне і спорт» Асянiн У.М.