Кафедра «Фізічнае выхаванне і спорт»

Гісторыя

Кафедра "Фізічнае выхаванне і спорт" БелДУТ (БелIIЧТу) была ўтворана ў ліку першых - 9 верасня 1953 года. Яе ўзначаліў вядомы беларускі спартсмен, майстар спорту СССР Злотнікаў П.А., які нязменна кіраваў кафедрай на працягу 20 гадоў. Пасля кафедру ўзначальвалі: Бяляўскі В.Э. (1973-1978 гг.), Чуеш А.С. (1978-1988 гг.), Жыхор В.Г. (1988-1997), Кузянёк Н.Г. (1998-2001 гг.). З 2001 г. кафедру ўзначальвае майстар спорту СССР, дацэнт Асянiн У.М.

У 1955 годзе ў інстытуце была створана першасная арганізацыя ДСА «Лакаматыў» (першым яе старшынёй быў член зборнай каманды Гомельскай вобласці па валейболе Віктар Старжынскіх).

У 1958 годзе арганізаваны спартыўны клуб, першым старшынёй якога быў выкладчык кафедры «Будаўнічая механіка» Яшын В.Ф. У цяперашні час спартыўны клуб, які ўзначальвае Кудраўцаў А.В., налічвае ў сваіх шэрагах больш за тры тысячы фізкультурнікаў і спартсменаў з ліку студэнтаў, выкладчыкаў і супрацоўнікаў універсітэта. Спартыўны клуб першапачаткова славіўся сваімі спартыўнымі традыцыямі. Ужо ў першыя гады функцыянавання ВНУ спартсмены БелДУТ (БелIIЧТу) дамінавалі па многіх відах спорту сярод ВНУ горада, рэспублікі, ЦС «Лакаматыў».

Першая чарга спарткомплексу ўведзена ў эксплуатацыю ў 1966 г., другая - ў 1970 г. У 2002 годзе быў пабудаваны сучасны 25-метровы плавальны басейн і перададзены Беларускай чыгункай у дар універсітэту.

Сярод супрацоўнікаў найбольш папулярнымі былі спаборніцтвы спартакіяды «Здароўе» і здачы нарматываў комплексу ГТО.

У цяперашні час супрацоўнікі універсітэта ўмацоўваюць сваё здароўе ў спартыўных секцыях па валейболе, настольным тэнісе, вялікім тэнісе і міні-футболе. Працуюць групы «здароўя» па плаванні, шахматах. Многія спартсмены пасля сталі буйнымі кіраўнікамі народнай гаспадаркі: лёгкаатлет Машэнка Алег - першым нам. міністра чыгуначнага транспарту Расіі; валейбаліст Шаціла Анатоль і барэц Струкачоў Яўген - намеснікі міністра будаўніцтва РБ; лёгкаатлет і барэц Пракапенка Станіслаў быў дырэктарам буйных заводаў, у тым ліку ВА "Гомсельмаш". Вясляр Нялюбiн Ігар на працягу многіх гадоў узначальваў будаўнічы трэст. Штангіст Малкаў І.Г. стаў доктарам навук, прафесарам. Лёгкаатлет Кiчыгiн Уладзімір быў намеснікам старшыні гарвыканкама горада Віцебска.

Кафедра "Фізічнае выхаванне і спорт» і спартыўны клуб працуюць як адзінае цэлае. Штогод праводзяцца спартакіяды ВНУ па 16 відах спорту, праводзяцца розыгрышы кубкаў універсітэта, ўнутрыфакультэцкія і міжфакультэцкія спаборніцтвы па асобных відах спорту. Спартыўныя каманды універсітэта актыўна ўдзельнічаюць у гарадскіх, абласных, рэспубліканскіх, а таксама міжнародных спаборніцтвах. Неаднаразова спартсмены БелIIЧТу (БелДУТ) станавіліся прызёрамі і пераможцамі гэтых спаборніцтваў.

Так, мужчынская каманда па баскетболе пад кіраўніцтвам заслужанага трэнера БССР Басіна Г.Б. выйгравала першынства ВНУ МПС СССР (ў 1970, 1972 г., 1973, 1990 гг.). На студэнцкіх гульнях Рэспублікі Беларусь - зборная каманда ўніверсітэта заняла 1-е месца па сваёй групе ВНУ (трэнер - ст. выкладчык Конанава Н.Ф.). Такія гульцы, як Закружны Дзяніс, Новік Дзяніс, Скульдзiцкi Станіслаў ў складзе каманды «Спартак-кандытар» на Чэмпіянаце РБ 2001-2002 гг. занялі 2-е месца, выканаўшы нарматыў КМС. Закружны Дзяніс - удзельнік чэмпіянату Еўропы 2001 г. Мужчынская валейбольная каманда інстытута ў 1967 годзе заваявала званне чэмпіёна БССР. Жаночая валейбольная каманда (c 1966 па 1973 гг. яе трэніраваў ст. выкладчык Жыхор В.Г.) тройчы (ў 1975, 1976 і 1977 гг.) станавілася чэмпіёнам БССР і двойчы (ў 1985 і 1989 гг.) - чэмпіёнам транспартных ВНУ МШЗ СССР.

Ва універсітэце працуе 21 спартыўная секцыя па 16 відах спорту, 4 спартыўных гуртка.