Кафедра «Мытная справа»

Навукова-даследчая дзейнасць кафедры

Навукова-даследчая дзейнасць кафедры накіравана на забеспячэнне высокага ўзроўню якасці навучання будучых спецыялістаў мытнай справы за кошт развіцця наступных асноўных напрамкаў: выкананне кафедральных навукова-даследчых работ і арганізацыя навукова-даследчай дзейнасці студэнтаў.

Выкананне кафедральных навукова-даследчых работ (НДР) спрыяе росту эфектыўнасці тэхналогіі навучання, паколькі дазваляе павысіць навуковую кваліфікацыю прафесарска-выкладчыцкага складу кафедры; на практыцы паказаць студэнтам падыходы да пастаноўкі і вырашэння навуковых праблем, прыцягнуць найбольш здольных з іх да выканання навуковых даследаванняў; выкарыстоўваць атрыманыя вынікі ў адукацыйным працэсе.

У 2012 г. кафедра прадставіла заключную справаздачу па тэме НДР «Распрацоўка метадалагічных асноў фармавання кампетэнтнасці будучых спецыялістаў мытнай справы у кантэксце інфармацыйных пагрозаў сучаснага грамадства». У 2017 годзе – па тэме НДР «Распрацоўка і навуковае абгрунтаванне напрамкаў інавацыйнага развіцця мытных органаў Рэспублікі Беларусь».

На перыяд 2018-2022 года зацверджана рабочая праграма па дзяржбюджэтнай тэме НДР «Распрацоўка комплекснага метадычнага забеспячэння дысцыплін кафедры мытнай справы ў сучасных умовах». Раздзелы тэмы:

1. Тэарэтыка-метадалагічныя асновы інавацыйнага навучання ў сучасных умовах.
2. Даследаванне асноўных тэндэнцый развіцця сучаснай сістэмы вышэйшай адукацыі ў сусветнай адукацыйнай прасторы.
3. Даследаванне ўплыву інфармацыйнага грамадства на развіццё сучасных тэхналогій навучання.
4. Аналіз падыходаў да распрацоўкі комплекснага метадычнага забеспячэння навучальных дысцыплін на аснове высокаэфектыўных метадаў навучання.
5. Асноўныя вынікі і напрамкі ўдасканалення комплекснага метадычнага забеспячэння навучальных дысцыплін кафедры мытнай справы.

Вынікі навукова-даследчых работ выкарыстоўваюцца пры распрацоўцы новых навучальных дысцыплін і праграм, якія адпавядаюць сучасным патрабаванням, падрыхтоўцы вучэбна-метадычнай літаратуры.

Калектыў кафедры ўдзельнічае ў навукова-практычных канферэнцыях і сімпозіумах у краіне і за мяжой па пытаннях вывучэння найважнейшых тэарэтычных і практычных праблем удасканалення арганізацыі мытнай справы і рэгулявання знешнеэканамічных адносін у мэтах устойлівага эканамічнага развіцця нацыянальнай эканомікі.

Адным з прыярытэтных напрамкаў навуковай дзейнасці кафедры з'яўляецца арганізацыя навукова-даследчай дзейнасці студэнтаў:

• удзел у навуковых даследаваннях, якія праводзяцца кафедрай;
• падрыхтоўка публікацый па выніках праведзеных даследаванняў;
• удзел у Рэспубліканскім конкурсе навуковых работ студэнтаў;
• падрыхтоўка дакладаў, паведамленняў і тэзісаў для навукова-практычных канферэнцый;
• ўдзел у працы студэнцкага навуковага гуртка «Актуальныя пытанні тэорыі і практыкі мытнай справы», клуба BASE.

Студэнты спецыяльнасці «Мытная справа» бяруць удзел у міжнародных навуковых і навукова-практычных канферэнцыях у Рэспубліцы Беларусь і за яе межамі, паспяхова прадстаўляюць спецыяльнасць на розных конкурсных пляцоўках, удзельнічаюць у мерапрыемствах міжкультурнага ўзаемадзеяння, у тым ліку на замежных мовах.

Навукова-даследчая дзейнасць студэнтаў з'яўляецца адной з найважнейшых частак арганізацыі адукацыйнага працэсу і эфектыўным сродкам павышэння якасці падрыхтоўкі высокакваліфікаваных спецыялістаў у сферы мытнай справы, арыентаваных на інавацыйнае развіццё, здольных весці самастойную аналітычную працу, уключаных у філасофію бесперапыннай адукацыі.