Тэхналогіі транспартных працэсаў (арганізацыя перавозачнага працэсу і кіраванне на чыгуначным транспарце)

Спецыяльнасць 6-05-0715-10 «Тэхналогіі транспартных працэсаў»

Прафілізацыя «Арганізацыя перавозачнага працэсу і кіраванне на чыгуначным транспарце»

 ЗАВОЧНАЯ СКАРОЧАНАЯ ФОРМА АТРЫМАННЯ АДУКАЦЫІ

Пералік спецыяльнасцяў сярэдняй спецыяльнай адукацыі, адпаведных спецыяльнасцях адукацыйнай праграмы бакалаўрыяту або бесперапыннай адукацыйнай праграмы вышэйшай адукацыі, для атрымання вышэйшай адукацыі ў скарочаны тэрмін (Пастанова Міністэрства адукацыі Рэспублікі Беларусь ад 1 лістапада 2022 г. № 412 са зменамі і дапаўненнямі ад 3 снежня 2024 г. № 178).

Арганізацыя перавозачнага працэсу і кіраванне на чыгуначным транспарце – гэта галіна транспартнай дзейнасці, якая ўключае сукупнасць сродкаў, метадаў і спосабаў кіравання, якія забяспечваюць эфектыўную для спажыўцоў транспартных паслуг арганізацыю перавозачных працэсаў на чыгуначным транспарце. Арганізацыя перавозачнага працэсу ажыццяўляецца ў пасажырскіх і грузавых зносінах і ўяўляе сабой рашэнне мноства складаных, шматварыянтавых, але важных і адказных для эканомікі краіны задач. Кіраўніцкая дзейнасць з’яўляецца цікавай працай, якая прадугледжвае творчы пошук лепшых, інавацыйных рашэнняў, што дазволяць забяспечыць эфектыўную перавозку грузаў і зручную паездку пасажыру. Кафедра «Кіраванне эксплуатацыйнай работай» рыхтуе прафесіяналаў менавіта такога плана.

Аснову паспяховай працы спецыяліста на транспарце складае ўменне кіраваць з дапамогай сучасных мікрапрацэсарных інтэлектуальных сістэм рухам цягнікоў і манеўровай працай, распрацоўваць тэхналагічныя працэсы работы чыгуначных станцый, планаваць перавозачны працэс на падставе IT-тэхналогій, арганізоўваць лагістычныя схемы дастаўкі грузаў і паездкі пасажыраў у міжнародных зносінах, ажыццяўляць электронную перавозку грузаў, валодаць вялікім аб’ёмам ведаў і выкарыстоўваць у працы нацыянальныя і міжнародныя тэхнічныя нарматыўна-прававыя акты і многае іншае.

Спецыялісту, звязанаму з арганізацыяй руху цягнікоў, кіраваннем тэхналагічнымі працэсамі на чыгуначных станцыях даводзіцца сутыкацца з бесперапынна зменлівымі ў прасторы і ў часе разнастайнымі сітуацыямі, у тым ліку і нестандартнымі. У кожным канкрэтным выпадку патрабуецца хутка і правільна прымаць аператыўныя рашэнні, забяспечваць бяспеку транспартных працэсаў. Таму прафесійна-важнымі якасцямі спецыяліста ў галіне арганізацыі перавозак на транспарце з’яўляюцца: адказнасць, крэатыўнасць мыслення і выдатная памяць, уменне арыентавацца ў складанай абстаноўцы, дзелавыя зносіны і ўменне кіраваць калектывам.

Аб’ектамі прафесійнай дзейнасці выпускніка нашай спецыяльнасці з'яўляецца аператыўнае кіраўніцтва і кіраванне перавозачных працэсам на чыгуначных станцыях і іхніх падраздзяленнях, транспартная дзейнасць у цэнтрах кіравання мясцовай работы рэгіянальнага ўзроўню, цэнтры кіравання перавозкамі, рэалізацыя тэхналогіі працы транспартных аб’ектаў на буйных прадпрыемствах, транспартна-лагістычных цэнтрах, кіраўнічая дзейнасць у экспедытарскіх арганізацыях, тэхналагічная працэсная дзейнасць у IT-кампаніях. Нашы выпускнікі працуюць на кіруючых і інжынерна-тэхнічных пасадах у структурных падраздзяленнях Беларускай чыгункі, шматлікіх транспартных і лагістычных кампаніях, праектных і навукова-даследчых арганізацыях.

Выпускнікі нашай спецыяльнасці сапраўды з’яўляюцца «арганізатарамі» чыгуначнага транспарту. Дзейнасць у сферы арганізацыі перавозачнага працэсу дазваляе каардынаваць працу іншых сфер дзейнасці чыгункі па забеспячэнні бесперабойнага руху цягнікоў, якаснага аказання транспартных паслуг. Многія кіраўнікі Беларускай чыгункі і іншых арганізацый чыгуначнага транспарту атрымалі адукацыю па спецыяльнасці «Арганізацыя перавозак і кіраванне на чыгуначным транспарце» ў нашым універсітэце. Высокая прафесійная падрыхтоўка і сістэмнасць кіраўніцкага падыходу дазваляе нашым спецыялістам працаваць і ў іншых сферах эканомікі і дзяржаўнага кіравання краіны.

Выпускаючая кафедра «Кіраванне эксплуатацыйнай работай i ахова працы»