Круглы стол «Вызваленне Гомеля ад нямецка-фашысцкіх захопнікаў».

26 лістапада 2020 года Гомель адзначыць 77-годдзе з дня вызвалення ад нямецка-фашысцкіх захопнікаў.

У гэты дзень скончылася страшная 822-дзённая акупацыя горада. У гонар вызвалення Гомеля на плошчы Паўстання ўсталяваны помнік знакамітай баявой машыне часоў Вялікай Айчыннай вайны – танк «Т-34»; збудаваныя: Курган Славы, мемарыяльныя комплексы; усталяваныя помнікі; на плошчы Працы запалены Вечны агонь. Імёнамі апалчэнцаў, падпольшчыкаў, партызанаў і вызваліцеляў Гомеля названыя вуліцы.

У памяць аб гэтай знамянальнай даце 18 лістапада 2020 г. у групе ГІ-11 пад кіраўніцтвам куратара, старшага выкладчыка кафедры «Філасофія, гісторыя і паліталогія» Н. А. Рабцавай праведзены круглы стол «Вызваленне Гомеля ад нямецка-фашысцкіх захопнікаў».

Трагічныя падзеі пачатку Вялікай Айчыннай вайны былі асветлены ў дакладзе В. Якушэнка і А. Сталяровай. Старчанка К., Бяляеў А., Грэжэсяк А., Бахолдзін К. распавялі аб жорсткім акупацыйным рэжыме на тэрыторыі горада. Барацьба партызанаў і падпольшчыкаў у гады акупацыі прадстаўлена ў прэзентацыях А. Мітраховіч, З. Захаранка, М. Гаршковай.

У дакладзе «Вызваленне Гомеля ад нямецка-фашысцкіх захопнікаў» В. Томіна, А. Ермалаева, Е. Захожая распавялі аб разлютаваных баях за горад. Як выглядаў горад пасля вызвалення, як праходзіла ягонае аднаўленне і развіццё, паказана ў прэзентацыях А. Андрэйкаўца, С. Букатага, А. Кошмана.

Подзвігі герояў Вялікай Айчыннай вайны, імёнамі якіх названыя вуліцы Гомеля, былі прадстаўлены ў дакладзе В. Дзергача, Д. Драгун, В. Саўкінай.