Кафедра «Транспартна-тэхналагічныя машыны і абсталяванне»

Кафедра «Транспартна-тэхналагічныя машыны і абсталяванне» з’яўляецца выпускаючай і ажыццяўляе падрыхтоўку і выпуск інжынераў-механікаў па спецыяльнасці 1-37 02 03 «Тэхнічная эксплуатацыя пагрузачна-разгрузачных, шляхавых, дарожна-будаўнічых машын і абсталявання» і інжынераў па спецыяльнасці 1-36 01 04 «Абсталяванне і тэхналогіі высокаэфектыўных працэсаў апрацоўкі матэрыялаў».

Акрамя згаданых спецыяльнасцяў, з 2023 года кафедра пачынае падрыхтоўку і выпуск інжынераў і інжынераў-механікаў па спецыяльнасцях, найбольш запатрабаваным эканомікай, 6-05-0715-07 «эксплуатацыя наземных транспартных і тэхналагічных машын і комплексаў» і 6-05-0714-02 «Тэхналогія машынабудавання, металарэжучыя станкі і інструменты» адпаведна.

Арганізаваць паўнавартасны навучальны працэс дапамагаюць супрацоўнікі кафедры: загадчык лабараторыі Астраценка С. І., вядучы інжынер-механік Максімчык К. В., інжынер Раманава К. К., вядучы лабарант Дзміцерка І. Л., лабарант 2-й катэгорыі Дзянісёнак І. М., лабарант Маісеенка С. Р. майстры вытворчага навучання Ющанка С. І. і Аўраменка Ю. А.

Асноўны напрамак дзейнасці калектыву кафедры – падрыхтоўка высокакваліфікаваных спецыялістаў па эксплуатацыі, мадэрнізацыі, тэхнічнаму абслугоўванню і рамонту пагрузачна-разгрузачных, шляхавых і дарожна-будаўнічых машын і матэрыялаў.

Вучэбная праца на кафедры ТТМіА ажыццяўляецца ў шасці лабараторыях (зваркі, матэрыялазнаўства і тэрмічнай апрацоўкі, трыбатэхнічных выпрабаванняў, вакуумных метадаў нанясення пакрыццяў, змазкі вузлоў трэння, дарожна-будаўнічых машын) і трох навучальных майстэрнях (зварачная, слясарная і механічная) і іншых аўдыторыях.

Трэнажор экскаватара ў пак. №134

Для правядзення вучэбных заняткаў па асноўных дысцыплінах кафедры выкладчыкі выкарыстоўваюць мадэлі і макеты механізмаў, стэнды ўзораў дэталяў машын, вырабленых з металічных, палімерных і металапалімерных матэрыялаў, іншыя наглядныя дапаможнікі і плакаты. Для дэманстрацыі відэаматэрыялаў і правядзення прэзентацый выкарыстоўваецца сучасны мультымедыйны комплекс. Таксама ў навучальным працэсе выкарыстоўваюцца сучасныя метады даследавання, у прыватнасці, атамна-сілавая мікраскапія, атамна-эмісійны і дыферэнцыяльна-тэрмічны аналіз, сканавальная каларыметрыя, метады ІЧ-спектраскапіі.

Акрамя таго, кафедра мае ў сваім складзе наступныя машыны, размешчаныя на тэрыторыі БелДУТ:

• малагабарытны ўніверсальны энергетычны сродак УЭС-30 «Палессе» з камплектам зменных адаптараў для земляных і дарожных работ;
• машына для адзіночнай замены шпал;
• кран шпальны.

Па ўсіх дысцыплінах, якія выкладаюцца на кафедры, маюцца неабходныя інфармацыйныя матэрыялы для курсавога і дыпломнага праектавання. Значная колькасць курсавых работ і праектаў, выконваюцца з прымяненнем сучаснай вылічальнай тэхнікі. Студэнтам кафедры дадзена магчымасць карыстацца камп’ютарным класам.

Кафедра валодае сучасным тэхналагічным і эксперыментальным абсталяваннем па вакуумных, плазменных метадах нанясеня пакрыццяў, метадах павярхоўнай апрацоўкі, трыбатэхнічных выпрабаваннях і металаграфічных метадах даследаванняў.

Пры ўсім гэтым праводзіцца сталае абнаўленне лабараторнай базы, насычэнне яе сучасным абсталяваннем і аўтаматызацыя навуковых даследаванняў. Студэнты старэйшых курсаў прыцягваюцца да выканання навукова-даследчых работ. Гэта дазваляе вырашаць асноўную задачу – якасную падрыхтоўку высокакваліфікаваных інжынераў і інжынераў-механікаў.

Навукова-педагагічны патэнцыял выкладчыкаў і лабараторна-тэхнічная база кафедры дазваляюць на высокім узроўні ажыццяўляць навучанне студэнтаў у адпаведнасці з сучасным станам, дасягненнямі і перспектывамі развіцця машынабудавання і матэрыялазнаўства. Выкладчыкі кафедры надаюць вялікую ўвагу павышэнню якасці падрыхтоўкі маладых спецыялістаў шляхам больш паглыбленага вывучэння студэнтамі рэальных аб’ектаў і набыцця практычных навыкаў работы на выпрабавальных стэндах і машынах.

Для павышэння эфектыўнасці вывучэння новых шляхавых і дарожна-будаўнічых машын, а таксама тэхналогій дарожнага будаўніцтва і ўдасканалення методыкі выкладання дысцыплін трыбатэхнічнага цыкла створаны філіялы кафедры на прадпрыемствах Гомельскага аддзялення Беларускай чыгункі (ШМС-116), Гомельскім ДРБУ-113 і ўчастку новых тэхналогій КУП «Гомельаблдарбудкамплект», Інстытуце механікі металапалімерных сістэм НАН Беларусі. Для правядзення лекцый, лабараторных і практычных заняткаў запрашаюцца вядучыя спецыялісты з азначаных вышэй арганізацый. Вытворчыя практыкі праводзяцца па скразной праграме, у адпаведнасці з якой пасля першай тэхналагічнай практыкі студэнты атрымліваюць працоўную спецыяльнасць, а ў працэсе другой працуюць на інжынерна-тэхнічных пасадах.

Калектыў кафедры падтрымлівае цесныя сувязі з Інстытутам павышэння кваліфікацыі БелДУТ. Найбольш кваліфікаваныя выкладчыкі чытаюць лекцыі для інжынерна-тэхнічных работнікаў транспартнага комплексу Рэспублікі Беларусі па сучасных метадах аднаўлення і павышэння зносаўстойлівасці дэталяў машын, новых тэхналогій перапрацоўкі неметалічных матэрыялаў, перспек-тыўных кампазітах, новых электронна-плазменных тэхналогіях апрацоўкі матэрыялаў.

Выкладчыкі і аспіранты кафедры ажыццяўляюць навукова-даследчыя і доследна-канструктарскія работы па рэспубліканскіх навукова-тэхнічных праграмах, па праектах, якія фінансуюцца Міністэрствам адукацыі і Міністэрствам абароны Рэспублікі Беларусь, па замовах Беларускай чыгункі і па дамовах з прадпрыемствамі і арганізацыямі Беларусі. Традыцыйным напрамкам навукова-даследчай работы калектыву кафедры з’яўляецца павышэнне надзейнасці і працаздольнасці дэталяў, вузлоў і канструкцый машын і механізмаў за кошт прымянення новых прагрэсіўных матэрыялаў і рэсурсазберагальных тэхналогій.

Шматфункцыянальныя шляхавыя машыны на шасі МАЗ-6303 і МТЗ Беларус Ш-406, мадэрнізаваныя спецыялістамі кафедры, бралі ўдзел у Міжнароднай навукова-тэхнічнай выставе вайсковай тэхнікі «МІЛЕКС-2007» і на выставе вайсковай тэхнікі Міністэрства абароны РБ «Восень-2008», дзе атрымалі высокую ацэнку кіраўніка дзяржавы.

Шырокі спектр машын і тэхналогій іх рамонту, а таксама фундаментальная падрыхтоўка дазваляюць выпускнікам кафедры паспяхова працаваць на прадпрыемствах Беларускай чыгункі, у арганізацыях будаўнічага і дарожна-будаўнічага комплексу, а таксама на машынабудаўнічых прадпрыемствах Рэспублікі Беларусь.